Amalita Fernández, espía errante, Thomas Laughton, axente do Servizo de Intelixencia británico e Renato Gentile, xornalista do diario Clarín de Buenos Aires. O contexto histórico onde transcorre a acción sitúase nos anos da Guerra Fría, entre 1955 e 1964, co axuste de contas dos países aliados cara aos responsables do Nazismo e que provocaron a II Guerra Mundial. O ambiente cotián do Ferrol deses anos volve ser o escenario principal polo que se moven os seus personaxes, pero agora as súas axitadas vidas están tamén presentes na capital arxentina. Allí, no outro lado do Atlántico, nesa urbe cosmopolita onde palpita a pegada da emigración galega, báilase ao ritmo do tango, saboréase o asado criollo, contémplase a paixón polo futbol desde as bancadas da Bombonera e como pano de fondo unha Rede Rabuña. Unha conspiración clandestina dun grupo de nazis fuxidos da xustiza europea baixo o amparo do Caudillo e de Juan Domingo Perón, que pretende o rexurdir dunha nova Xermania.