Se tes que coidar dunha persoa con demencia, este libro pódeche axudar. Case todas as persoas con demencia sofren síntomas psiquiátricos (ansiedade, depresión, alucinacións, crenzas falsas etc.) ao longo da enfermidade. Estes síntomas adoitan ser o reto máis esixente para os seus familiares e coidadores. É un libro que proporciona respostas ao coidador que afronta este reto e recomendacións baseadas na Terapia Breve, que teñen en conta cada elemento do sistema familiar e as súas interaccións. Este é un libro novo polo seu carácter integrador, debido a que reúne a descrición médica dos síntomas psiquiátricos na demencia e os factores asociados, con exemplos baseados en casos reais; unha aproximación á experiencia da persoa con demencia; e un enfoque sistémico nas propostas prácticas de abordaxe.