Ochandiano, Biscaia, 1897. Antonia, a esposa do alcalde, celebra os aniversarios do seu fillastro Eloy cunha festa á que convida a todo o pobo. Ao día seguinte aparece asasinada a beiras do estanque. Os veciños entran nunha espiral de desconfianza cando saen á luz os rancores que a vítima provocara en moitos deles debido aos seus aires de grandeza e a súa intención de modernizar os costumes da comarca.
Mentres, a moza Mariña namórase dun forasteiro, Javier, un aposto e rico herdeiro que chegou a Ochandiano para reclamar o diñeiro que lle debe o pai dela. A súa relación verase afectada pola investigación criminal que, aos poucos, desvelará os segredos máis ocultos da -até ese momento- apracible comunidade rural.