O artista galego, autor de Bestiario do Norte e unha das mentes máis prolíficas e orixinais do noso país, creou un libro inclasificable e dunha beleza perturbadora. Ollos cheos de árbores pode ser un caderno de campo, un prodixioso ensaio naturalista, un gabinete de curiosidades arbóreas ou a crónica dun paseante no que árbores e bosques, a natureza como testemuña do tempo e a memoria, son sacros, símbolos do eterno fronte ás bajezas, tropelías e violencias do ser humano, conectando maxistralmente pasado e presente a través de lendarios duelos entre leñadores vascos, enormes esvásticas construídas con árbores durante a Segunda Guerra Mundial, nenas que se perden no bosque e cando regresan xa non son as mesmas, antigos ermitáns que viviron e rezaron no alto das árbores, a cantante Billie Holiday perseguida polas árbores do sur ou artistas fascinados coa natureza, como William Blake, Caspar David Friedrich, Francesca Woodman, Joseph Beuys ou Anne Brigman, entre outros.