Kalpa imperial reúne once relatos, once fragmentos da historia do Imperio Más Vasto que Nunca Existiu.
Polo narrador sabemos que o Imperio foi destruído e reconstruído infinidade de veces e que a súa historia volve empezar con cada nova dinastía de emperadores e emperatrices.
O escenario é sempre o mesmo: o montañoso norte, o sur selvático e as cidades capitais. As historias son múltiples e diversas. Como a de Bib, un mozo que pretende reconstruir o Imperio e inventar unha nova orde; a do último príncipe da dinastía dos Orioles e a súa estraña morte; a da orfa que ascende desde os baixos fondos ata o trono; a do Emperador Cuarto nas dinastía dos Kiautonor, que manda a construír unha cidade en honra do seu amante.