Aos seus dezaseis anos, Belén Villalba é carismática, intelixente e, por suposto, boa filla. Pero unha xélida noite de xaneiro desaparece en Almansa, unha apracible localidade manchega. A capitán da UCO Alma Ortega, unha muller reservada e meticulosa que está a pasar por un dos momentos máis difíciles da súa vida, vese obrigada a abandonar Madrid e regresar ao seu pobo natal para coller as rendas da investigación. Aí terá que traballar de xeito conxunto coa tenente ao cargo do caso, a súa irmá maior, con quen garda unha relación de rivalidade chea de feridas sen cicatrizar. Tamén coñecerá a Irene, a mellor amiga de Belén, unha hacker adolescente con serios problemas sociais; e a Diego, un acedo xornalista en paro decidido a sacar tallada da situación.