China, un país enigmático durante séculos, mudou de pel para converterse hoxe nunha potencia que compite con Estados Unidos pola hexemonía mundial. En tan só corenta anos pasou de vivir inmersa na miseria para converterse nunha nación que acapara o 17 por cento do PIB mundial. Cunha clase media de catrocentos millóns de persoas e máis multimillonarios que ningún outro país, China asombrou ao mundo seguindo a súa peculiar receita capitalista-leninista. Este libro é un retrato dos éxitos, retos e contradicións do xigante asiático. Unha profunda análise para explicar os motivos que hai detrás da súa sorpresiva irrupción no taboleiro internacional.