Durante miles de anos, os seres humanos fixémonos esta pregunta. Agora, por primeira vez, contamos coa tecnoloxía necesaria para investigalo. Pero, aínda que puidésemos pensar que existe unha resposta contundente —si ou non—, en canto tentamos buscar vida noutros lugares dámosnos/dámonos conta de que a cuestión non é tan sinxela. Porque, de feito, que é a vida? Como podemos atopala cando a buscamos a distancias siderais?
Como directora do Instituto Carl Sagan da Universidade de Cornell, a astrónoma Lisa Kaltenegger colabora con grupos de científicos que traballan na construción de instrumentos especiais para a procura de vida noutros planetas. Grazas ao telescopio espacial James Webb, a outros telescopios máis pequenos e ao innovador labor que a doutora Kaltenegger está a levar a cabo no seu laboratorio, estamos a vivir unha época de exploracións incribles.
Cun entusiasmo contaxioso, Kaltenegger embárcanos nunha viaxe cegadora aos novos descubrimentos científicos e a unha ducia de insólitos exoplanetas, desde planetas cubertos de océanos de lava ata astros solitarios que vagan polo espazo e planetas con máis dun sol no seu firmamento, que farán que cambiemos a nosa cosmovisión.
En Mundos extraterrestres descubriremos novos continentes, pero tamén novos mundos que viran ao redor doutras estrelas. Un fascinante relato que cativará a todo aquel que contemplase algunha vez o ceo nocturno con asombro.

Título orixinal: Alien Earths: The New Science of Planet Hunting in the Cosmos