Todo empeza cun xogo: algunhas noites, nos dez minutos suspendidos antes de que Avoa regrese do bingo, dúas irmás saen ás agachadas pola porta de atrás ata O Aforcado —un volcán redondo como un bandullo bocarriba—, contan ata tres e corren de volta sen mirar atrás. Con todo, unha noite algo cambia… porque unha vez traspasado o terreo dunha infancia violenta, como se mira o mundo?
Nun cartón de bingo aparecen quince números —os mesmos que as idades da protagonista ao longo da novela, presentes como unha mosca ou unha bolboreta revoloteando sobre o título de cada capítulo—, e neses dez minutos suspendidos que dura unha partida, todo é posible. "Han cantado bingo" presenta unha familia cun don que se herda e se sofre, e unha historia agreste como o rofe groso de Lanzarote. Cunha linguaxe xoguetona e cativadora, cruel e belísima, Lana Corujo achéganos aos silencios e a culpa, as verbenas, as feridas e a maxia escura que só se tece entre dúas irmás que comparten un segredo.

Premio Librería Mujeres 2025