Son Carasucia, a primeira gata que escribe unha novela enteira. Pero iso non é o importante. O importante é que ao principio eu era feliz cos meus irmáns, Ojopipa e Colorcaca, na tenda de animais. Soñabamos con converternos en leóns e vivir libres nun lugar chamado Casa. E a vida separounos. Non quero romper o misterio, pero atopalos non é tan fácil como parece. O mundo redondo é enorme; está cheo de casas, de auga que molla, de humanos que nos cambian o nome, de gantinfloides rueiros que prefiren os cubos de lixo a Gatifood e… ata hai un ladrón de mascotas que se empeña en frustrar os meus plans!