Scarlett Vandermeer nada a contracorrente. Está a cursar terceiro na Universidade de Stanford e a súa especialidade é o salto de trampolín. Prefire pasar desapercibida para poder concentrarse en ingresar na Facultade de Medicina e en recuperarse da lesión que estivo a piques de acabar coa súa carreira. Non ten tempo para relacións, ou polo menos iso é o que se di a si mesma.

Lukas Blomqvist, capitán de natación, campión do mundo e o mozo de ouro de todo o que teña que ver coa auga, adora a disciplina. Grazas á súa capacidade para centrarse plenamente en cada brazada, bate récords e gaña medallas de ouro. A primeira vista, Lukas e Scarlett non teñen nada en común. Ata que un secreto ben gardado sae á luz e cámbiao todo.

Entón chegan a un acordo. E, a medida que se incrementa a tensión pola chegada dos Xogos Olímpicos, tamén aumenta a tensión entre eles. Supoñíase que o seu só ía ser algo sexual, temporal e mutuamente pracenteiro. Con todo, ao darse conta de que lle é imposible manterse afastada de Lukas, Scarlett comprende que quizais o seu corazón estea a entrar en augas perigosas...