«Se tivese máis tempo, escribise unha carta máis curta», afirmou Pascal. Hoxe o breve convídanos, no medio dunha sociedade enferma de frenesí, a deternos: fronte ö epitafio enigmático dunha lápida, fronte ó aforismo que suxire sen dicir, fronte á pancarta que nos golpea coa alma da súa loita. Unha bolboreta nace, vive e morre en apenas uns días. Aínda que efémero, contemplamos o seu voo con asombro. E o aleteo das súas ás, como di o proverbio chinés, «pódese sentir alén do mundo». A tese deste libro é sinxela: o breve entraña o profundo. Para probala, Antoni Gutiérrez-Rubí percorre a historia e a cultura en busca das distintas formas que adoptou a brevidade. Directo, sucinto, claro, o seu estilo proponnos unha reflexión breve e, por iso, fonda.