Estamos no remoto pobo de Nome, en Alaska, e corre o ano 1921. Ada Blackjack, unha iñupiat nova de vinte e tres anos, decide deixar nun hospicio ao seu fillo Bennett, enfermo de tuberculose, ata que atope a forma de mantelo. Pronto unha oportunidade cae do ceo: un barco proveniente de Seattle. Nel van catro exploradores con ansia de aventura e fantasías coloniais. Diríxense á illa de Wrangell ―o último refuxio dos mamuts― para habitar alí un tempo e anexionar o territorio ao goberno británico; están a buscar a unha iñupiat que, por cincuenta dólares ao mes, cociñe e cousa para eles durante a travesía. Así é como Ada, desatendendo os agoiros do chamán, embárcase nunha expedición ártica. Poucos meses despois todos os exploradores morrerían. Acompañada da gata Vic, a muller enfrontarase á fame, o frío e os osos polares durante unha largúisima noite ártica que lle fará reapropiarse da súa identidade indíxena, extraviada tras anos de colonialismo. Baseada nunha historia real, O xeo dos seus é unha apaixonante novela de aventuras que nos fai reflexionar sobre as posibilidades do amor nun mundo colonial e ecocida.