Neste novo libro, o doutor Goicoechea —neurólogo recoñecido e experto en neurobiología da dor— ofrécenos a explicación de por que podemos sentirnos enfermos aínda que esteamos realmente sans, segundo o ditame dos especialistas.

Percibimos o corpo que cremos ter. O organismo autoorganízase e adáptase á contorna no que lle toca vivir. A golpe de erro-ensaio-erro, aprende a atribuír un valor positivo ou negativo a cada acción en cada escenario e vai tecendo, de forma inconsciente, un relato que se proxecta na pantalla da conciencia como unha película. Vivimos coa convicción de que ese filme reflicte directamente a realidade, externa e interna. Con todo, o que recibimos nesa pantalla non sempre se axusta ao que en efecto sucede. Un corpo san pode aparecer no relato como enfermo. É un filme de ficción, pero para o padecente (o espectador) revela unha realidade interna, que non pode ver cos seus propios ollos.