Escolma de artigos, varios dos cales foron publicados en papel, pero a maioría deles saíron en Internet dentro de "Certo", xornal dixital gratuíto de Barbanza, entre agosto de 2008 e xaneiro de 2014. Non son doados de encontrar fóra desa zona galega, porque ese xornal xa non está dispoñible na rede. Pensadas para un público heteroxéneo, estas colaboracións parten dunha óptica local para tratar temas de alcance xeral, tales como o amor, a morte, a ecoloxía, a literatura, a música ou a educación. O enfoque é moi biográfico e íntimo.