Crítica de arte, escritora e dona dun humor que reparte labazadas como outros prescriben dietas, María von Touceda plántase fronte á satanización contemporánea do sobrepeso coas armas da súa propia experiencia de gorda, unha sabedoría tan envexable como directa, e unha impresionante falta de medo a tocar temas espiñentos. Cinco lorzas metafísicas é o libro que todos deberiamos ler para reconciliarnos coas nosas siluetas e coa posibilidade de que aínda existan escrituras desobedientes, orais e encabuxadas. Pola Venus de Willendorf, vivan as lorzas!