Nun humilde barrio de Beirut, Amira convive a diario con noticias de secuestros e un rigoroso toque de queda, explosións e coches bomba; pero ela non ten medo, percorre as rúas cheas de po da súa cidade, observando o verde das moreiras, os carros de froitas e as cúpulas das mesquitas.
Polas noites, no dormitorio que comparte coa súa irmá Rayzel, escribe cartas para o seu noivo, metido no exército. Unha mañá, accedendo aos pedidos da súa nai, Amira convértese en cómplice de algo que nunca se perdoará: empuxar a Rayzel a casar cun médico estranxeiro ao que non ama. Tempo despois, chegará tamén o seu momento de emigrar. Unha irmá en París; a outra en Connecticut.