Contan que Compostela naceu cando Paio, o eremita, foi guiado por unhas luminarias misteriosas ata a tumba do apóstolo Santiago. De aí o nome de Campus Stellae. E tamén que o rei Alfonso II foi o primeiro peregrino da historia. E que comezou así unha afluencia masiva de camiñantes que non cesou ata os nosos días. Unha incrible sucesión de milagres, verdade?
Pois lamento dicir que todo isto é mentira. Unha lenda, nada máis. Unha fantasía.
A Compostela primigenia
Nos primeiros tempos, ao redor dun sepulcro sen identificar non había máis nada que un burgo modesto e unha pequena igrexa. O propio Vaticano desmentiu que esa puidese ser a tumba de Iacobus, e mesmo algún bispo chegou a ser excomungado por defender esa tese.

Un milagre tanxible

É en 1068 cando nace Diego. El fixo de Compostela unha arquidiocese, e creou a catedral máis fastuosa do mundo. El coroou reis e entronizó papas, ordenou escribir os códices máis marabillosos e puxo á insignificante Compostela á altura de Roma e de Xerusalén.
El creou o Camiño de Santiago, e ao redor del forxou Europa. Esta é a súa historia, e é real.
Isto é o que construíu no século do milagre.
Ata o de agora coñecías a lenda. Agora descubrirás a verdade.