Nunha pequena illa do sur de Italia, Mimmo Maltempo soña aos seus quince anos con escapar da fatalidade dunha vida insulsa e con fuxir do seu pobo, no que nunca pasa nada. Neste coming of age sorrentinesco, Alfred explora as paixóns e os soños da etapa adolescente mentres retrata, coa Italia dos anos sesenta como pano de fondo, a creba social tras a resaca da ditadura e os movementos obreiros, e insinúa os inicios do turismo de masas e a corrupción e especulación inmobiliarias. Alfred pecha este ciclo tan persoal co seu traballo máis vibrante, enxeñoso e conmovedor ata a data.