Tres xeracións de mulleres reúnense neste cómic autobiográfico de Tessa Hulls: a súa avoa Sun Yi, unha xornalista perseguida tras a vitoria dos comunistas na China; a súa nai, Rose, quen cargou durante anos co peso do exilio e a dor, e ela mesma, que ao cumprir trinta anos decidiu rescatar a memoria da súa familia.
Despois de escapar de Shanghái en 1957, Sun Yi recalou coa súa filla en Hong Kong, onde escribiu unhas memorias sobre a persecución sufrida; un relato de supervivencia que se converteu nun best seller inesperado. Ao pouco tempo, sufriu unha crise nerviosa que a levou a necesitar coidados para sempre. Tessa creceu vendo como a súa nai ocupábase máis de Sun Yi que dela, e como ía oprimíndoas ás tres a carga dos traumas silenciados.
Tras tentar escapar en balde do seu pasado e vivir nos lugares máis remotos do mundo, a autora volveu a casa sabendo que, se quería pechar as súas feridas, debía narrar a súa historia familiar. "Alimentar a los fantasmas" é o resultado de dez anos de traballo intenso e profundo, un libro que retrata os mecanismos polos que o duelo se transmite dunha xeración a outra, e que celebra o amor necesario para mantelas unidas.

Tít. orix.: Feeding ghosts. A graphic memoir