Bibliografía

Baviera, 1944. Os rumores da guerra apenas chegan á primeira maternidade nazi, a Heim Hochland, creada por Heinrich Himmler en 1936 como parte do programa chamado Lebensborn. Nese idílico lugar faise todo o posible para ofrecer un ambiente harmonioso aos fillos recentemente nados de membros das SS e ás súas nais. Alí traballa Helga, unha enfermeira modélica e entregada, que coida de mulleres embarazadas e bebés, pero que asiste a situacións que farán cambalearse as súas certezas. E alí chega, para dar a luz, a moza Renée, unha francesa repudiada pola súa familia tras namorarse dun alemán durante a Ocupación de París. Mentres reconstrúe este inquietante gineceo na súa realidade histórica, Os nenos de Himmler ofrece unha inmersión na cotiandade dun lugar concibido para desenvolver e «depurar» a raza aria, e criar aos futuros «señores da guerra».

Título orixinal: La pouponnière d'Himmler