Os xemelgos Waters son opostos: Ben é o máis popular do instituto; Axel, un bicho raro en toda regra. Non se levan nada ben, o cal non adoita ser un problema... ata que Ben rompe co seu ex. Agora pasa o día en casa cos seus amigos, que son insoportables. Sobre todo Key Parker: estrela de atletismo, irritantemente carismático e inxustamente atractivo. A Axel ocórreselle que, se lle consegue a Ben unha nova noiva, logrará distraelo e sacar a esa cuadrilla de gorilas da súa casa. Pero para iso terá que socializar, que non é precisamente o seu forte. E tampouco axuda que, por algún inexplicable motivo, Key Parker non deixe de aparecer cando menos o espera.