Unha oda a eses seres que sempre estiveron aí cando os necesitamos, para compartir os bos momentos e, sobre todo, para facernos máis lixeiros os momentos máis complicados.

Para aquelas persoas ás que podemos chamar AMIGOS con maiúsculas, xorde un libro único, tan fermoso como apaixonante, onde se xuntan fermosas ilustracións e emotivos versos para dar as grazas do xeito máis fermoso posible.

Porque nada é máis valioso que un corazón cheo de agradecemento, nace este libro que non esquece a importancia de traballar a intelixencia emocional e os grandes valores dende a infancia: definir unha amizade verdadeira e poderosa, sa e incondicional, ademais de agradecer a quen tanto nos deu.

Seres que foron refuxio de cariño, comprensión e complicidade, merecen agora que lles amosemos o que significan na nosa vida do xeito máis fermoso: con infinita gratitude.