Desde a Antigüidade -co oráculo de Delfos- ata a actualidade -cos influencers de saúde-, os humanos sempre buscamos consello dos "expertos" para mellorar calquera aspecto da nosa vida. Esta tendencia converteuse nunha obsesión colectiva no presente: Internet está cheo de expertos con millóns de seguidores dispostos a guiarnos en calquera ámbito da nosa existencia... desde gurús do amor ata psicólogos de Instagram. Por que?
Baseándose nos escritos de numerosos filósofos e sociólogos, desde Zygmunt Bauman ata Slavoj Žižek, de Eva Illouz a Byung Chul pasando por Jacques Lacan, Liv Strömquist responde a esa pregunta e desenvolve unha sutil crítica da nosa obsesión contemporánea polo benestar e o desenvolvemento persoal, á vez que explora cuestións existenciais máis profundas, como o sentido da vida ou a aceptación da morte.

Tít. orix.: Pythian pratar.