«De onde vén esta ansiedade cando me esperto da sesta?»
Flight reúne os relatos de Kuniko Tsurita, a madriña do cómic experimental xaponés e a primeira autora que publicou nas páxinas da histórica revista Garo. Trátase dunha antoloxía de vinte e nove historias que oscilan con elegancia entre xéneros e estilos, desde a ciencia ficción ata historias inmersas no underground, pasando por incursións surrealistas, clubs de jazz e movementos de protesta estudantil. A súa obra é poética e melancólica e deixou unha pegada importante na historia do manga, a pesar de falecer con tan só trinta e sete anos.
A presente recompilación ofrece o mellor da produción dunha artista que soubo contar, cun estilo sempre elegante, historias de mangakas sen diñeiro, aventuras míticas de mulleres ancestrais, contos íntimos de prostitutas e videntes, visións de irmás caníbales e moito máis.
Este volume quere ser unha homenaxe ao xenio dunha muller que soubo transcender todas as fronteiras de xénero e estilo grazas a unha escritura dinámica e impredicible, que logo inspirou a varias xeracións de autores.
O libro vai acompañado dun epílogo de Shô Onoda que enmarca a biografía e a traxectoria artística de Tsurita dentro da historia do manga.