Unha muller e un home atópanse por casualidade durante a súa viaxe de regreso ao país natal do que emigraron fai vinte anos. Poderán reemprender unha estraña historia de amor, apenas iniciada entón na súa terra? O caso é que, tras tan longa ausencia, «os seus recordos non se parecen». Porque «a nosa memoria, a pobre, que pode facer? Só é capaz de reter do pasado unha miserable pequena parcela sen que ninguén saiba por que precisamente esa e non outra…». Vivimos sumidos nun inmenso esquecemento, e non queremos sabelo. Só aqueles que, como Ulises, volven despois de vinte anos a súa Ítaca natal poden ver de preto, atónitos e cegados, á deusa da ignorancia.