Entre as varias aventuras intelectuais que emprendeu ao longo da súa vida o mítico editor Roberto Calasso, ten especial relevancia o seu empeño en volver a contar e analizar a cultura universal, nun basto proxecto a medio camiño entre a narración e o ensaio que iniciou con "La ruina de Kasch". Este volume dedicado ao Antigo Testamento e á Torá é a décima entrega desa magna obra total. O autor relata, aportando a súa mirada singular, historias bíblicas coma as dos reis de Israel (Saúl, David e Salomón) ou episodios como os da raíña de Saba ou a fuxida a Exipto. Calasso traza un recorrido que vai dende a creación do mundo por Yavé ata a figura do Mesías. Fiel ao seu estilo, narra e estuda mitos centráis da nosa cultura con un impresionante despregamento de erudición. O libro aborda temas como o pecado orixinal, o mandato divino, a construción do Templo de Xerusalén, o rito do sacrificio, a idea do pobo elixido, a Terra Prometida. Establece comparacións entre as tradicións orientais e o universo bíblico e conecta este co mundo moderno: a mirada de Freud sobre Moisés ou Holocausto. Unha proposta de enorme envergadura intelectual, presentada como a máis fascinante das narracións.

Título orixinal: "Il libro di tutti i libri"

Tradución de : Il libro di tutti i libri