Inspirado por 'Rebelión na granxa', a clásica fábula política de George Orwell, 'Bestas' é a alegoría animal dun fenómeno tristemente humano que fai realidade, unha e outra vez, a famosa sentenza de Orwell ?Todos os animais son iguais... pero algúns animais son máis iguais que outros?. A historia repítese: motivados sinceramente polo desexo de acabar con ditaduras e instaurar sistemas baseados na xustiza e a igualdade, líderes revolucionarios toman o poder e, co tempo, perden de vista as súas boas intencións, transformándose en caricaturas dos tiranos que unha vez derrocaron.