Todas as casas gardan a historia de quen as habitou. As paredes desta casa perdida no páramo falan de voces que xorden de debaixo das camas, de santas que se aparecen no teito da cociña, de desaparicións que nunca se resolven. Os veciños renegan dos seus dous habitantes á luz do día, pero todos acoden a elas cando ninguén os ve. A avoa pasa os días falando coas sombras que viven nas paredes e dentro dos armarios. A neta volve á casa tras un incidente coa familia máis rica do pobo. Agora, desenredando a historia da casa, comezaron a entender que as sombras que a habitan estiveron sempre do seu lado.