A Naxum Space, a maior axencia espacial do mundo, está a piques de gañar a carreira espacial por controlar o espazo-tempo. Con todo, un brillante investigador con síndrome de Down consegue adiantarse nesta importante fazaña. Sirbino Probetus, fillo dun desaparecido e lendario científico, supervisa o departamento de Incursións Espazo-Tempo, un programa secreto iniciado hai varias décadas tras o descubrimento da materia escura.
O mozo, que deixara xa de imaxinar a vida co seu pai, penétrase no seu pasado, onde reaviva eses pensamentos e onde se lle xera unha sospeita que non logrará mitigar. Despois de 28 anos, os feitos da súa desaparición seguen sen estar claros e, agora, xorden novas pistas sobre as súas avanzadas investigacións e o que puido suceder. Tras vivir unha serie de aventuras ao longo de épocas pasadas, Sirbi recibe unha chamada de auxilio anónima; unha chamada que cambiará para sempre a súa vida e as leis físicas do multiverso.