Contén: Historia de un crimen perfecto -- Noche de almas -- Sycamore Avenue

Cando chega a noite aparecen a tensión, o medo e o suspense máis escuro. Diso tratan estas tres novelas curtas, reunidas por primeira vez nun libro e que nos falan de personaxes ao límite, enfrontados aos perigos e misterios que só axexan se as sombras saen dos seus agochos.
"Historia de un crimen perfecto" é a confesión en primeira persoa do asasino Eric Rot. A través de cen páxinas redondas -nas que se adiviñan ecos de Hitchcock e Poe-, este relato fálanos sobre o peso insoportable dalgúns segredos.
En "Noche de almas", o lector acompaña a unha parella de mochileiros que mediron mal as súas forzas nunha travesía polo deserto. Cando, ao bordo da extenuación, ao fin chegan a unha antiga casa colonial rodeada por un estraño círculo de pedras, pensan que están a salvo. Con todo, será entón cando empece o verdadeiro pesadelo.
Por último, "Sycamore Avenue" preséntanos a un narrador insomne que pasa as noites en vela mirando pola xanela. Ata que unha madrugada cre ver unha enigmática silueta na mansión abandonada do final da avenida, un lugar baleiro desde hai décadas e envolto por absurdas lendas.