Madrid, 1954. A moza Margot Sanz Peters regresa a España depois de formarse en Londres como periodista de moda. Membro dunha distinguida familia de diplomáticos e amiga íntima das máis elegantes da época -dende Cayetana Fitz-James Stuart até Aline Griffith, a futura condesa de Romanones- a reporteira accede rapidamente aos círculos máis exclusivos dunha cidade que deixou atrás os peores anos da posguerra e comeza a abrirse a modernidade.
Porén, Margot é moito máis que unha experta en moda. Lectora voraz das novelas de Sherlock Holmes, dende nena sentiuse fascinada pola mente criminal. Por iso, cando o enigmático asasinato dunha marquesa sacude á alta sociedade madrileña, a nosa protagnosta dará o salto á revista de sucesos máis popular do momento e comezará a colaborar coa policía, pondo así a proba as súas dotes de investigación nun xogo cada vez máis perigoso.