Editado no sentido da lectura do orixinal xaponés (de dereita a esquerda e de atrás cara adiante)

Tras a morte da súa esposa, o artesán de vitrales Kagari perde o interese polo seu traballo e pola vida. Con todo, a chegada inesperada da súa neta Akari, con quen perdera contacto facía anos, cambia a súa rutina. Xuntos, crean un vínculo curativo a través da súa paixón compartida pola arte das vidreiras. Pero Akari garda un segredo… e cando saia á luz non tardará en dar un xiro a esta realidade que están a construír entre os dous.
Esta fermosa historia utiliza as vidreiras como metáfora da luz interior, mostrando como as persoas poden atopar esperanza en cada contexto social e transformar os lugares máis escuros nun talento, un vínculo ou un fogar.