Inclúe índice de nomes

As cartas dun gran escritor contan a historia dunha vida que corre paralela á súa obra. As de Irène Némirovsky esbozan inicialmente o retrato dunha moza apaixonada que descubriu o gozo das súas primeiras aventuras e a alegría de estudar na Soborna nos felices anos 20. Logo van conformando unha imaxe máis firme, a dunha muller brillante, preocupada e decidida, que se convertiría na consumada novelista de El baile e David Golder. Unha etapa na que fala co seu "querido mestre" Gaston Chérau, grandes editores e autores da época sobre a escritura, os libros e o cine, por suposto, pero tamén sobre as pequenas cousas que compoñen a cotidandade. A partir de 1938, o ton vólvese menos desenfadado, até xullo de 1942, cando a correspondencia se interrompe de forma brusca tras a tráxica detención de Irène Némirovsky. Familiares, amigos, editores e admiradores toman entón a pluma, intentando salvala como sexa e manter vivos os seus textos.
Prologado por Oliver Philipponnat, este volume recolle cartas, tarxetas postais, telegramas e breves entrevistas que resumen as distintas fases da vida de Irène Némirovsky. Un testemuño inédito que será moi apreciado tanto pola visión reveladora que aporta da autora como polo contexto histórico que proporciona.