Cando a embaixadora Mahit Dzmare chega ao centro do multisistema imperio teixcalaanlí, descobre que o seu predecesor, o anterior embaixador da súa pequena e ferozmente independente estación mineira, morreu en estrañas circunstancias. E ninguén parece disposto a admitir o innegable: a súa morte non foi accidental e ela podería ser a seguinte.

No medio da tensa atmosfera que se respira nos niveis máis altos da corte imperial, Mahit debe pescudar quen está detrás do asasinato e protexer a súa estación da incesante expansión de Teixcalaán, ao mesmo tempo que investiga unha fascinante cultura alieníxena, manipula as súas engrenaxes políticas e se esforza por preservar o letal segredo tecnolóxico que esconde; un que podería rescatar a súa estación da aniquilación... ou sepultala para sempre.