Na tranquila e modesta cidade de Huntsville, Texas, Jack «O Sabanero» Johnson e o seu fillo adolescente, Cooper, embárcanse nunha viaxe de proporcións épicas. Esta electrizante novela gráfica, cuxa acción transcorre ao longo dun único día, conta a loita de Cooper por sobrevivir ás consecuencias cada vez máis catastróficas das malas decisións tomadas polo seu pai. Á vez que Cooper e o seu pai navegan desesperadamente por entre unha serie de ameazas violentas en cadea, tamén han de ir lidando coa súa relación, combativa e disfuncional a pesar de todo o que se queren.
Inspirado pola infancia do guionista en Texas e a súa relación cos seus propios fillos, este relato policíaco contemporáneo é, en realidade, unha historia sobre a transición á madurez. Á vez que tanto o pai como o fillo se esforzan por entender o seu lugar no mundo e na vida do outro, as tensións e o resentimento non deixan de bulir. Este cómic, tan evocador no emocional como sorprendente no visual, é a aventura dun pai e un fillo que quedará para a posteridade.