Dende que quedou orfo, o Lagartija malvive no barrio de Triana xunto co Manco, pouco maior que el, e dous irmáns xemelgos. Cada día penétranse nos canellóns ateigados de xente buscando moedas perdidas ou algún cacho de pan, ata que a fatalidade obriga á cuadrilla de amigos a separarse.
A partir dese momento, o Lagartija terá que enfrontarse en solitario ás inclemencias do destino e andarse con moito coidado, sobre todo cando apareza na súa vida Hendrick van Belle, un mercador flamenco involucrado en turbios negocios que o embaucará para que sexa o seu aprendiz. Só deixando atrás a inocencia e armándose de valor e astucia, este mozo pícaro poderá sobrevivir nun mundo de violencia, corrupción e ambición desmedida.