Aquel sufocante verán de 2002, Lucía Romasanta, astróloga, nai solteira e redactora da sección do horóscopo con máis éxito do país, recibe unha perturbadora carta dun admirador anónimo. Un texto manuscrito que a fai directamente responsable da morte dunha descoñecida no caso de que non tome partido.
A esta primeira carta seguiranlle outras, cada vez máis violentas, máis ameazadoras, máis persoais… Unha historia que pasará a formar parte das investigacións da Policía Xudicial como o famoso «Caso do horóscopo».
Agora, a pregunta para Lucía é clara: podería evitar as súas mortes?