Bibliografía : p. 245-269

Vestindo ao rei é unha obra que non se centra nos grandes personaxes históricos que acapararon a atención da maioría das investigacións. Os seus protagonistas son os xastres, bordadores, zapateiros e todos aqueles encargados de confeccionar o vestiario dos reis hispánicos durante o século XVII. A partir da Historia da arte e de aplicar unha metodoloxía metapictórica xunto coa Historia Social e a Historia da Familia como perspectiva de investigación, o obxectivo é profundar no coñecemento dun grupo escasamente coñecido pola historiografía como eran os artesáns da corte. Entre outros aspectos rechamantes, estudáronse desde o traballo e as remuneracións obtidas por estes traballadores do rei ata onde vivían, con quen e que atesouraban nas súas casas, para atender especialmente as súas traxectorias vitais e familiares.