Tudor é o fillo menor de 2 servos da corte dun gran boiardo da atrasada Valaquia. Dende o seu nacemento, a ambición semella guiar cada un dos seus pasos, e no seu arduo ascenso ao poder non dubidará en deixar o seu camiño sembrado de cadáveres. Na súa historia crúzanse o rei Salomón, a raíña de Saba, o bisavó de John Lennon, o xeneral Napier e a raíña Victoria. Tudor será Theodoros: bandido e pirata, pecador devoto, o terror dos mares da Hélade. Vivirá en bosques e mosteiros, presenciará batallas e milagres, e finalmente convertirase en Tewodros: o despiadado Emperador de Emperadores, soberano absoluto de Abisinia.