Catherinne Morley é unha rapariga "tan corrente como a que máis", só que tende a ver a vida como unha novela. Cando é presentada en sociedade en Bath, coñece a un mozo aposto e refinado e sente que está vivindo nunha novela sentimental. Logo, convidada polo pai do noivo, pasa unha tempada nunha antiga abadía, onde sospeita que se acubillan terribles segredos, como nunha novela gótica. Pero a realidade, que tamén ten os seus segredos, revelaralle ao fin un mundo seica máis absurdo e angustioso que o imaxinado pola peor das súas fantasías. Novela de novelas, literatura da literatura, A abadía de Northanger, escrita antes de 1803 pero non publicada ata 1818, postumamente, encerra nunha sátira literaria unha ferinte reflexión sobre os prexuízos e crueldades da sociedade, e é sen dúbida una das obras máis agudas e divertidas de Jane Austen.

Northanger Abbey