O 3 de outubro de 1938 doce avións sublevados bombardearon as rúas de Madrid. Esta vez non caían obuses, senón bolsas con pan branco que dicían "En la España Nacional, 'Una, Grande y Libre', non hai un fogar sen lume nin unha familia sen pan". Non se trataba dun acto de xenerosidade fraternal cos irmáns do outro lado da fronte, senón dunha planificada estratexia de guerra para conseguir a vitoria franquista sobre a República española. Durante a Guerra Civil, alimentar ao pobo converteuse nun dos maiores problemas políticos do lado gubernamental e a escasez estendéuse coma unha epidemia que afectou en vangarda e retagarda e determinou o desenvolvemento, a experiencia e a memoria da Guerra Civil Española.