Lali é unha moza boa, que vive para os demais. A súa vida segue o sendeiro marcado para unha muller na primeira metade do século XX, mesmo cando o seu home ten que emigrar. Sofía é unha rapazaque sabe o que quere. Non vai deixar que quimeras como o amor verdadeiro a desvíen do seu obxectivo. O que une e separa a Lali e Sofía vaise tecendo na novela para presentar un retrato da Galicia dos séculos XX e XXI, onde a emigración muda e se adapta aos novos tempos, pero non desaparece. Unha sociedade que, empurrada polas mulleres, se adapta á modernidade sen deixar que a tradición se perda.