Antes da invención da fotografía e das gravacións sonoras, aos vivos non quedaban de quen morría senón uns poucos obxectos que o acompañaban; o seu cheiro impregnado na roupa; a letra, se a persoa sabía escribir; retratos pintados, para quen podía permitirllos, ou guechos de pelo.A voz é unha extensión do corpo e a única parte que non pode enterrarse: a voz permanece intacta e altera o sentido do tempo, pois está condenada a quedar nun presente eterno. «A mensaxe deste libro, ou máis ben a ensinanza que se extrae da súa lectura, é unicamente leste: grava a voz dos teus seres queridos», dinos Ryoko Sekiguchi ao comezo desta obra singularmente emotiva e delicada na que a autora de Nagori volve demostrar unha especial lucidez para describir e catalogar as experiencias máis íntimas e transcendentais do ser humano.Composto de breves fragmentos, este inclasificable libro é unha historia da voz de quen se foi e de como continúa afectando a quen aínda viven. Unha exploración orixinal e bellísima sobre a memoria, a desaparición e a pegada que deixamos no mundo.

Tradución de : La voix sombre