De madrugada, unha nova é atropelada por un coche de alta gama. O seu condutor dáse á fuga. Non pode deterse. É un policía infiltrado nun grupo de narcotraficantes e este suceso podería desvelar a súa identidade. Pero o problema non se solucionará só con fuxir. Ten que parar a investigación do accidente. Foi un tremendo erro que podería acabar cos seus plans, uns plans que non se limitan a acabar coa banda.
Hidalgo é o pai da moza. Traballa como contable nunha empresa que vende mobles de oficina. O emprego máis aburrido do mundo. Pero non sempre foi así. No pasado, Hidalgo era un dos líderes de Ultrassur, o grupo de seguidores violentos do Real Madrid. E todos lles chamaban o Longo.