Este volume é quizáis un dos máis singulares da vizosa producción literaria de Xesús Alonso Montero. Reúne unha mínima pero brillante selección dos seus discursos, mantendo na transcripción do texto o espírito fiel da súa oratoria orixinal. Un traballo que partiu de moitas horas de gravación e transcripción a cargo de Carmen Blanco Ramos, e do coidado da edición de Olivia Rodríguez. O autor afirma ter pronunciado, ao longo da súa dilatada vida, máis de 5000 discursos ante públicos ben diferentes.