Neste estudo pártese da distribución das dioceses existentes en España anterior ao Concordato de 1851. A razón é que o culto xacobeo é, sobre todo, importante mentres se mantén, con todas as súas consecuencias, o denominado Voto de Santiago, situación que cambiará a partir das Cortes de Cádiz.
Nese tempo, desde a Baixa Idade Media ata mediados do século XIX, as sedes de Astorga, Zamora, Salamanca, Ciudad Rodrigo, Ávila, Coria, Plasencia e Badajoz formaron parte, como sufragáneas, da igrexa compostelá o que suporá unha relación sistemática entre a metropolitana e cada unha delas, algo que dunha ou doutra forma, reflíctese nas súas catedrais, obxecto desta investigación (Tomado da contracub. do libro)