A Unidade de Homicidios de Estocolmo áchase nunha profunda crise desde que se revelou que un dos seus colegas é un asasino en serie. Vanja Lithner loita por salvar o seu departamento cando unha muller é atopada asasinada nunha granxa de porcos nos arredores de Västerås. Os indicios apuntan que o acto se realizou pensando nunha persoa en concreto: Sebastian Bergman, o psicólogo criminal máis cínico e arrogante de Suecia. Ao longo dos anos, Sebastian axudou á Unidade para resolver numerosos casos, pero despois dos acontecementos recentes, é persoa non grata. Será o seu regreso a salvación ou a ruína da unidade de homicidios?
Mentres tanto, Tim Cunningham, un antigo paciente de Sebastian, aparece morto. Tim tamén perdeu un fillo no tsunami de 2004, pero resulta que hai moitos interrogantes ao redor da familia Cunningham e aquel terrible Nadal de fai case vinte anos. Uns interrogantes que, talvez, a filla de Tim, Cathy, poida axudar a aclarar.