Xogar ao aire libre é moito máis que diversión e entretemento: é unha cuestión de saúde física e mental. Na primeira parte desta obra profúndase nos innumerables beneficios do xogo ao aire libre e en como o contacto coa natureza e os espazos exteriores son esenciais para o benestar dos nenos.


A segunda parte é pura acción, con 50 actividades e xogos pensados para inspirar a diversión ao aire libre. Acompañadas de fotografías orixinais, estas propostas preséntanse en forma de fichas ilustradas, cos seus "paso a paso", e inclúen unha gran variedade de actividades (lúdicas, creativas, de exploración...), para incorporar ao día a día, nas prazas e parques da contorna dos lectores ou en emocionantes saídas á natureza.