Índices

A consanguinidade é un fenómeno que en Occidente percibimos como algo marxinal asociado á deformidade física e moral. Pero é realmente tan raro ou prexudicial? E se fose daniño, como se expresaría ese mal? Quen o faría? Ata que punto é perniciosa a relación consanguínea? Estas páxinas ofrecen respostas desde unha perspectiva xenética en boa medida sobre a base das propias investigacións dos autores, conscientes, con todo, de que a complexidade do tema transcende o ámbito estritamente científico. Estudar o rostro da consanguinidade (e o rostro consanguíneo) de maneira transversal, sen ignorar a súa dimensión histórica, antropolóxica, filosófica, estética, relixiosa, cultural , esixe enfrontarse a unha natureza enigmática, desapiadada e estraña, como o rostro da mesma esfinxe, grávido felino de sorriso equívoco.